\"Nyukasl\" 60 million yevroga Manzambini sotib olmoqda
Yoxan Manzambi JCh-2026dagi yorqin o‘yinlari orqali ko‘plab Yevropa grandlari e'tiborini tortishga muvaffaq bo‘ldi.
Foto: Getty Images
"Nyukasl Yunayted" "Frayburg" yarim himoyachisi Yoxan Manzambi transferi bo‘yicha kelishuvga erishdi.
Xabarlarga ko‘ra, Angliya klubi 20 yoshli shveysariyalik futbolchi uchun 60 million yevro to‘laydi. Tomonlar transferning asosiy shartlari bo‘yicha kelishib olgan va endi yakuniy hujjatlar rasmiylashtirilishi kutilmoqda.
Ma'lumotlarga ko‘ra, Manzambiga "Aston Villa" ham jiddiy qiziqish bildirgan. Biroq futbolchining transfer poygasida aynan "Nyukasl" oldinga chiqib oldi va bitim yakunlanish arafasida turibdi.
Yoxan Manzambi JCh-2026dagi yorqin o‘yinlari orqali ko‘plab Yevropa grandlari e'tiborini tortishga muvaffaq bo‘ldi. Agar transfer rasman tasdiqlansa, bu "Nyukasl" tarixidagi eng yirik xaridlardan biriga aylanishi mumkin.
Nasrullo Karimov
Jurnalist