Nyubel yozda «Bavariya»ni tark etadi

“Bavariya”ning 29 yoshli darvozaboni Aleksander Nyubel yozgi transfer oynasida jamoani tark etadi. Bu haqda jurnalist Florian Plettenberg X ijtimoiy tarmog‘ida xabar berdi.

Joriy mavsumda u ijara asosida “Shtutgart” safida o‘ynamoqda va yaxshi natijalar ko‘rsatmoqda. Biroq uning bu klub bilan shartnomasi iyun oyida yakunlanadi.

Manba ma’lumotiga ko‘ra, myunxenliklar futbolchini to‘liq sotish yoki yana ijaraga berishni rejalashtirmoqda, ammo bu safar sotib olish huquqi bilan. Shu bilan birga, Nyubelning “Bavariya” bilan amaldagi shartnomasi 2030 yilgacha mo‘ljallangan bo‘lib, uning yillik maoshi taxminan 11–12 million yevroni tashkil etadi.

Transfermarkt portaliga ko‘ra, darvozabonning bozor qiymati 12 million yevro atrofida baholanmoqda.

Roziqjon Sultonmurodov

Jurnalist