Nunez Saudiya chempionatida qoladi

Urugvay terma jamoasi hujumchisi Darwin Nunezning qishki transfer oynasida “Al-Hilol”ni tark etishi mumkinligi haqida xabarlar tarqaldi.

Insayder Fabrizio Romanoning xabariga ko‘ra, futbolchiga yaqin manbalar bu ma’lumotlarni inkor etdi.

26 yoshli forvard hozirda bor e’tiborini Riyod klubi safida o‘ynashga qaratgan va klubdan mamnun. Uning shartnomasi 2028 yil yozigacha mo‘ljallangan. Transfermarkt hozirda uni 45 million yevroga baholamoqda.

"Al-Hilol" safida Nunez jami 11 ta o‘yinda 5 ta gol urib, 2 ta golli uzatma bergan.

Roziqjon Sultonmurodov

Jurnalist