Noyer «Bavariya»da qoladi — Romano
"Bavariya" darvozaboni Manuel Noyer klubda yana bir mavsum qoladi va tez orada yangi shartnoma imzolaydi, deb xabar beradi insayder Fabrizio Romano X ijtimoiy tarmog‘ida.
Bir kun avval Chempionlar ligasi yarim finalida “PSJ”ga qarshi jamoa 1:1 hisobida durang o‘ynadi, biroq ikki o‘yin natijasiga ko‘ra 5:6 hisobida mag‘lub bo‘lib, turnirni tark etdi. Nemis darvozaboni jamoalar qarama-qarshiligida oltita zarbadan oltita gol o‘tkazib yubordi: birinchi o‘yinda beshta to‘p o‘tkazib yuborib, birorta ham seyv qilmadi, ikkinchi o‘yinda esa bitta gol o‘tkazib yuborib, oltita seyv amalga oshirdi.
Manba ma’lumotlariga ko‘ra, muzokaralar allaqachon olib borilmoqda va yakuniy bosqichda. “Bavariya” klubga taklif qilinayotgan darvozabonlarning agentlarini Noyer jamoada yana bir mavsum qolishi haqida allaqachon xabardor qilgan.
Noyer jamoaning asosiy darvozaboni bo‘lib qolishi kutilmoqda, biroq uning o‘rinbosari Yonas Urbig ko‘proq o‘yin vaqtiga ega bo‘ladi. Taʼkidlanishicha, Noyer Urbigga ustozlik qiladi va klub murabbiylar shtabiga undan o‘z vorisini tayyorlashda yordam beradi. E’tiborlisi, bu holat har ikkala darvozabonni ham qoniqtirmoqda.
Joriy mavsumda Noyer barcha turnirlarda 36 ta o‘yinda maydonga tushib, 39 ta gol o‘tkazib yubordi va 11 marta o‘z darvozasi daxlsizligini saqlab qoldi.
