«Nottingem Forest» Jonsni transfer qilishni rejalashtirmoqda
«Nottingem Forest» «Liverpul» yarim himoyachisi Körtis Jonsni o‘z safiga qo‘shib olish imkoniyatini ko‘rib chiqmoqda. Bu haqda Daily Mail jurnalisti Lyuis Stil xabar berdi.
Manbaga ko‘ra, «o‘rmonchilar» Jonsni «Manchester Siti»ga o‘tib ketgan Elliot Andersonning munosib o‘rinbosari sifatida ko‘rmoqda.
Shuningdek, 25 yoshli futbolchining o‘zi ham joriy yozgi transfer oynasida «Liverpul»ni tark etish niyatida. Mersisayd klubi esa uning transferidan 35–40 million funt sterling (taxminan 40–45 million yevro) ishlab olishni rejalashtirmoqda.
Jons o‘tgan mavsum barcha musobaqalarda 49 ta uchrashuvda maydonga tushib, 3 ta gol va 3 ta golli uzatma muallifi bo‘ldi.
Futbolchining «Liverpul» bilan amaldagi shartnomasi 2027 yil yozigacha amal qiladi. Transfermarkt ma’lumotiga ko‘ra, uning bozor qiymati 35 million yevroga baholanmoqda.