Niderlandiya Jahon chempionatlarida 100 talik golli dovondan o‘tdi
Niderlandiya erkaklar milliy terma jamoasi Jahon chempionatlari tarixida kiritilgan gollar soni bo‘yicha 100 talik dovonni bosib o‘tdi. Ushbu tarixiy natija JCh-2026 guruh bosqichi 2-turidan o‘rin olgan Shvetsiyaga qarshi uchrashuvda qayd etildi. Bu haqda Squawka statistik sahifasi X ijtimoiy tarmog‘ida ma’lum qildi.
Niderlandiyaliklar ushbu ko‘rsatkichga erishgan dunyodagi sakkizinchi terma jamoaga aylanishdi. Bungacha faqatgina Braziliya, Germaniya, Argentina, Fransiya, Italiya, Ispaniya va Angliya terma jamoalari mundiallarda 100 tadan ko‘p gol urishga muvaffaq bo‘lishgan edi.
Eslatib o‘tamiz, JCh-2026 guruh bosqichi uchrashuvlari 11-iyundan 27-iyunga qadar davom etadi. Musobaqa reglamentiga muvofiq, har bir guruhdan dastlabki ikki o‘rinni egallagan jamoalar hamda uchinchi o‘rinni band etgan eng yaxshi 8 ta o‘tish jamoasi pley-off bosqichiga yo‘llanma oladi.