Nico Williams 'Athletic' bilan uzoq muddatli shartnoma imzoladi

Futbol 04 iyl 2025 da 09:22

Bahrom Bobonov

Redaktor

Nico Williams 'Athletic' klubi bilan yangi uzoq muddatli shartnoma imzoladi. Bu haqda klubning matbuot xizmati xabar berdi.

Manbaga ko'ra, futbolchi va Bilbao klubi o'rtasida tuzilgan yangi kelishuv 2035 yilgacha amal qiladi.

Avvalroq 'Barcelona' Nico Williamsning transferi bo'yicha muzokaralar yakuniy bosqichga yetganini va yaqin kunlarda futbolchini o'z tarkibiga qo'shib olishini e'lon qilishi kutilayotgani haqida xabarlar tarqalgan edi. Biroq 'Athletic' iqtidorli futbolchini jamoada saqlab qolishga muvaffaq bo'ldi.

O'tgan mavsumda Nico Williams barcha turnirlar doirasida jami 45 ta o'yinda maydonga tushib, 11 ta gol va 7 ta golli uzatmaga mualliflik qilgan. Uning avvalgi shartnomasi 2027 yil yozigacha amal qilishi belgilangan edi.

Aloqador jamoalar va ligalar

Athletic Club

Ispaniya La Ligasi