Neymar “Sinsinnati” transferidan hafsalasi pir bo‘ldi
Braziliya terma jamoasi hujumchisi Neymar MLS vakili “Sinsinnati” klubining uni transfer qilish borasidagi ishlaridan norozi bo‘lib qolgani xabar qilinmoqda.
Ma’lumotlarga ko‘ra, Amerika klubi futbolchi vakillari bilan dastlabki muzokaralarni boshlagan bo‘lsa-da, jarayon kutilganidek tez kechmayapti. Shu sababli Neymar transfer masalasidagi ishlarning sust borayotganidan hafsalasi pir bo‘lgan.
Qayd etilishicha, 34 yoshli futbolchining asosiy maqsadi — faoliyatini yuqori saviyada davom ettirish va 2026-yilgi Jahon chempionatidan keyingi faoliyati bo‘yicha eng maqbul variantni tanlashdir. Hozircha tomonlar o‘rtasida yakuniy kelishuvga erishilmagan.
Ma’lumot uchun, Neymar 2025-yilda “Santos”ga qaytgan. Uning Braziliya klubi bilan amaldagi shartnomasi 2026-yilning oxiriga qadar amal qiladi.
