Neymar Marokashga qarshi o‘yinni oʻtkazib yuborishi mumkin — Romano
Braziliyalik hujumchi avvalroq “Santos” mashgʻulotlarida jarohat olgandi.
FOTO: Getty Images
“Santos” hujumchisi Neymar Braziliyaning Jahon chempionatidan oʻrin olgan Marokashga qarshi ilk oʻyinini oʻtkazib yuborishi mumkin. Bu haqda insayder Fabritsio Romano xabar bermoqda.
Manbaga koʻra, murabbiylar shtabi Neymar jarohatdan vaqtida tiklanib, Marokashga qarshi start oʻyinida maydonga tusha olmasligidan xavotirda.
Qayd etilishicha, futbolchi ikki hafta ichida jarohatdan tiklanish uchun bor kuchini ishga soladi, ammo boldir mushagidagi jarohat uni iyun oʻrtalarigacha safdan chiqarishi mumkin.
Maʼlumot uchun, milliy terma jamoalarning faqatgina 1-iyunga qadar JCh-2026 uchun yakuniya qaydnomasiga oʻzgartirishlar kiritishi mumkin.
Nasrullo Karimov
Jurnalist