Neymar: «Jismonan oʻzimni yaxshi his qilyapman, keyingi o‘yinga ham tayyor boʻlaman»
«Santos» hujumchisi Neymar jarohatidan keyingi holati haqida gapirdi.
«Jismonan o‘zimni yaxshi his qilyapman, har kuni yaxshilanayotganimni sezayapman. Bu jarohat bezovta qiladigan holat, lekin u meni to‘xtata olmaydi. Keyingi o‘yinga ham tayyor bo‘laman», — dedi Neymar.
Eslatib oʻtamiz, avvalroq Neymar chap tizzasidan jarohat olgandi, shuning uchun mavsum yakuniga qadar maydonga tushmasligi va 2025 yilda yana o‘yin o‘tkazmasligi mumkinligi haqida xabarlar tarqalgandi.
«Santos»ning tibbiy shtabi futbolchiga operatsiya qilishni tavsiya qilgan, biroq braziliyalik hujumchi chempionatning oxirgi turlarida maydonga chiqishni xohlamoqda, chunki jamoa Serie A'da o‘z o‘rnini saqlab qolish uchun kurashyapti.
Joriy mavsumda Neymar klub darajasida 26 ta o‘yinda maydonga tushib, sakkizta gol urdi va to‘rtta golli uzatma berdi.
