Neymar faoliyatini yakunlashi mumkin — manba
Braziliya terma jamoasi hamda “Santos” klubi hujumchisi Neymar professional futbol bilan xayrlashish vaqti yaqinlashayotganiga ishora qildi.
34 yoshli futbolchi Cazé TV nashriga bergan intervyusida kelajagi haqidagi qarorni yuragi qachon buyurishiga qarab qabul qilishini ta’kidladi.
“Oldinda nima bo‘lishini, kelasi yili nimalar kutayotganini bilmayman. Balki dekabr oyi kelsa, futbolni tark etishni xohlaraman. Men hozir hech narsa rejalashtirmay yashash rejimiga o‘tganman. Bu yil ‘Santos’ uchun ham, Jahon chempionati sababli Braziliya terma jamoasi uchun ham juda muhim”, deydi Neymar.
Neymar 2025 yilning yanvar oyidan buyon “Santos” sharafini himoya qilib kelmoqda. Futbolchining klub bilan amaldagi shartnomasi 2026-yilning yakuniga qadar mo‘ljallangan. U San-Paulu klubi safida jami 254 ta o‘yinda maydonga tushib, 147 ta gol va 71 ta golli uzatmaga mualliflik qilgan. Transfermarkt portali braziliyalik yulduzning qiymatini 10 million yevroga baholamoqda.
