Neymar: «Braziliya terma jamoasiga qaytish men uchun unutilmas kun bo‘ldi»
Braziliya terma jamoasi hujumchisi Neymar milliy jamoa safiga qaytgani haqidagi taassurotlari bilan o‘rtoqlashdi.
«Albatta, bu kunni hayotimdagi eng alohida kunlardan biri deb ayta olaman. Har bir bola Braziliya terma jamoasi libosini kiyishni orzu qiladi, men esa uni uzoq yillar davomida sharaf bilan kiyib keldim. Jarohat oldim va juda uzoq vaqt maydondan chetda qoldim. Qaytish uchun qattiq harakat qildim va bugun, qariyb uch yildan so‘ng, yana terma jamoa safida maydonga tushishga muvaffaq bo‘ldim.
Juda baxtli va hayajondaman. Bu tuyg‘ularni yana bir bor his qilish men uchun katta yengillik bo‘ldi. Menga qayg‘urgan barcha braziliyalik muxlislarga minnatdorchilik bildiraman. Shuningdek, oilam va do‘stlarimga ham chin dildan rahmat aytaman», — dedi Neymar Globo nashriga bergan intervyusida.
