Neymar Braziliya terma jamoasidagi faoliyatini yakunlashiga shama qildi
«Santos» hujumchisi Neymar Braziliya milliy terma jamoasidagi faoliyatiga yakun yasayotgani borasida to‘xtaldi. JCh-2026 nimchorak finali doirasidagi Norvegiyaga qarshi kechgan uchrashuvdan so‘ng braziliyalik vinger hissiyotlarga boy bayonot berdi. Mazkur bahs braziliyaliklarning 1:2 hisobidagi mag‘lubiyati bilan tugadi. Neymarning o‘zi esa zaxiradan maydonga tushib, ikkinchi bo‘limga qo‘shib berilgan vaqtda 11 metrlik jarima zarbasini aniq amalga oshirdi.
«Men harakat qildim, tinimsiz harakat qildim. Endi hammasi tugadi. Men shu yerda boshlagan edim, shu yerda yakunladim ham», — deya Neymarning so‘zlarini keltirmoqda Globo nashri.
Braziliya terma jamoasi musobaqadagi ishtirokini yakunladi.
Eslatib o‘tamiz, Neymar Braziliya terma jamoasi tarixidagi eng yaxshi to‘purar hisoblanadi. U 2010-yildan buyon milliy terma jamoa safida jami 130 ta uchrashuvda maydonga tushib, 80 ta gol urgan va 59 ta samarali uzatmani amalga oshirgan.