Nega \"Manchester Yunayted\" Ederson transferidan voz kechdi?
Mashhur insayder Fabrizio Romanoning ma'lum qilishicha, "Manchester Yunayted" "Atalanta" yarim himoyachisi Ederson transferini bekor qilishga qaror qilgan.
Manbaga ko'ra, ingliz klubi braziliyalik futbolchining tibbiy ko'rigi davomida tizzasida muammo aniqlanganidan so'ng tavakkal qilishni istamagan. Shu sababli "Manchester Yunayted" transferni yakunlamaslik haqida "Atalanta" rahbariyatini rasman xabardor qilgan.
Qayd etilishicha, Italiya klubi Edersonning sog'lig'i bilan bog'liq jiddiy muammo yo'qligiga ishonmoqda va futbolchini yangi mavsum uchun jamoa safiga qaytarishga tayyor.
Shu tariqa, bir necha haftadan beri muzokaralar olib borilgan transfer amalga oshmaydigan bo'ldi. Endi "Manchester Yunayted" yozgi transfer oynasida yarim himoya chizig'ini kuchaytirish uchun boshqa nomzodlarga e'tibor qaratadi.