«Neftchi» — «Qizilqum» uchrashuvini ko‘rish uchun stadion va shahar markazida yirik monitorlar o‘rnatiladi

Superliganing 29-turidan o‘rin olgan "Neftchi" o‘z maydonida Navoiyning "Qizilqum" klubini qabul qiladi. Bu haqda klub matbuot xizmati xabar berdi.

Ushbu bellashuvda so‘nggi tur natijalaridan qat'i nazar mamlakat chempioni aniqlanishi kutilmoqda. Shu bois o‘yinga bo‘lgan qiziqish har qachongidan yuqori.

Muхlislarimizning katta talabini inobatga olgan holda, viloyat hokimligi va klub rahbariyati tashabbusi bilan "Istiqlol" stadioni (Avtoturargoh) hududida ikkita, shahar markazida va Eco shahar amfiteatrida bittadan yirik monitor o‘rnatiladi.

Ushbu monitorlar orqali ko‘plab futbol ishqibozlarimiz uchrashuvni jonli efirda tomosha qilish imkoniyatiga ega bo‘ladilar.

Roziqjon Sultonmurodov

Jurnalist