\"Navbahor\" stadionida olib borilayotgan taʼmirlash ishlari o‘rganildi
"Lochinlar" yangi mavsumni g‘alaba bilan boshladi: kecha Samarqandda bo‘lib o‘tgan ilk uchrashuvda "Navbahor" "Dinamo" ustidan 2:1 hisobida ustunlikka erishdi.
Albatta, yangi mavsumda sevimli jamoamiz oldiga katta maqsad qo‘yilgan. Shunga munosib ravishda sharoitlar ham yaratilmoqda.
Ayni kunlarda "Navbahor" markaziy stadionida keng ko‘lamli taʼmirlash va obodonlashtirish ishlari hal qiluvchi pallaga kirdi.
Jarayon bilan Namangan viloyati hokimi Shavkatjon Abdurazzoqov yaqindan tanishdi.
Viloyat rahbari klubning asosiy maʼmuriy binosini ham taʼmirlash va qayta jihozlash lozimligini taʼkidlab, bu borada mutasaddilarga tegishli topshiriqlar berdi.
O‘rganish davomida maydonga yotqizilgan chimni sug‘orish tizimi ko‘zdan kechirildi. Taʼmirlash ishlarini tezroq yakuniga yetkazish bo‘yicha masʼullarga aniq ko‘rsatmalar berilib, ularning ijrosi qatʼiy nazoratga olindi.
