«Navbahor» Sergey Lushanni isteʼfoga chiqardi

“Navbahor” futbol klubi jamoa bosh murabbiyi Sergey Ivanovich Lushan bilan tuzilgan mehnat shartnomasini bekor qildi. Bu haqda klub matbuot xizmati xabar berdi.

Eslatib o‘tamiz, Sergey Lushan o‘tgan mavsumning 2-davrasida jamoamizga bosh murabbiy etib tayinlangandi.

Uning boshqaruvida “lochinar” Superligada 35 ta o‘yin o‘tkazib, 16 ta g‘alaba, 9 ta durang, 10 ta mag‘lubiyat, O‘zbekiston kubogi doirasidagi bahslarda esa 8 ta uchrashuvda maydonga tushib, 5 ta g‘alaba (ikkitasi penaltillar seriyasi bo‘yicha), 1 ta durang hamda 2 ta mag‘lubiyatni qayd etishdi.

“Biz Sergey Ivanovichga “Navbahor”dagi faoliyati uchun o‘z minnatdorchiligimizni bildirgan holda, keyingi faoliyatida omad yor bo‘lishini tilaymiz”, - deyiladi klub xabarida.

Roziqjon Sultonmurodov

Jurnalist