“Navbahor” Rossiyaning 6 karra chempionini tarkibga qo‘shishni rejalashtirmoqda

Namanganning “Navbahor” jamoasi taniqli rossiyalik futbolchi Aleksandr Eroxinini jamoaga taklif qilish niyatida. Bu haqda bir qator sport nashrlari xabar tarqatdi.

Ma’lumotlarga ko‘ra, klub hozirda 35 yoshli futbolchi bilan muzokaralar olib bormoqda. Eroxin hozirgi paytda Sankt-Peterburgning “Zenit” jamoasi safida to‘p surmoqda.

Transfermarkt’ga ko‘ra, yarimhimoyachining transfer bahosi 250 ming yevroga teng. U “Navbahor”ning markaziy chizig‘ini mustahkamlashi mumkin. Qayd etish kerak, Eroxin Rossiya chempionligini 6 marta qo‘lga kiritgan.

Bakradze Iman

Redaktor