«Navbahor»: «Andijon»ga qarshi o‘yin oldidan yig‘ilish o‘tkazildi
Superliganing 6-turidan o‘rin olgan bahsni «Navbahor» safarda "Andijon"ga qarshi o‘tkazadi.
O‘zingizga ma’lum, joriy yilgi mavsumda viloyatimiz muxlislari uchun Namangan viloyati hokimi, viloyat futbol assotsiatsiyasi prezidenti Sh.Abdurazaqovning tashabbuslari bilan o‘yinlarga borib kelish uchun avtotransportlar tashkil etilgan.
Andijon shahrida bo‘lib o‘tadigan "vodiy derbisi" uchun ham ishqibozlarga transport vositalari ajratiladi. Mazkur uchrashuvning prinsipial ekanligini inobatga olgan holda, bu safar 500 nafar muxlisga avtobuslar ajratiladigan bo'ldi. Ishqibozlarning safarga bexatar borib-kelishlarini ta’minlash maqsadida, bugun "Markaziy" stadionda yig‘ilish bo‘lib o‘tdi.
Unda Namangan viloyati hokimi o‘rinbosari Botirjon Nuritdinov, Namangan viloyati futbol assotsiatsiyasi birinchi vitse-prezidenti Shuhrat Mirxoldirshayev, Namangan viloyati IIB JXX va JTSB boshlig‘i o‘rinbosari Hasanboy Nuriddinov, Namangan viloyati PPX maxsus otryad komandiri Jamshid Kimsanov hamda "Navbahor" klubi vakillari ishtirok etishdi.
Yig‘ilishda bo‘lajak safar bilan bog‘liq masalalar ko‘rib chiqildi va muxlislar xavfsizligini ta’minlash uchun barcha choralar ko‘rilishi ta’kidlandi.
