«Nasaf» PFK yangi ramzini taqdim etdi
Mamlakatimizning kuchli jamoalaridan biri – Qashqadaryo viloyatining "Nasaf" professional futzal klubi mamlakat XXX milliy chempionatiga qizg‘in hozirlik ko‘rmoqda.
So‘nggi yillarda Qarshi shahri O‘zbekiston futzalining muhim markazlaridan biriga aylanib bormoqda. Zamonaviy sport infratuzilmasiga ega shaharda raqobatbardosh jamoani shakllantirish, yuqori natijalarga erishish hamda muxlislar ishonchini oqlash klubning ustuvor maqsadlaridan biri sanaladi.
Yangi mavsum oldidan jamoada seleksiya ishlari izchil olib borilmoqda. Klub rahbariyati avvalo o‘tgan mavsum jamoa sharafini munosib himoya qilgan asosiy tarkib o‘yinchilarini saqlab qolgan holda, tarkibni Qashqadaryo futzal maktabi istiqbolli tarbiyalanuvchilari hamda tajribali xorijlik futzalchilar hisobiga yanada kuchaytirish bo‘yicha izchil ish olib borayapti.
Shuningdek, klub o‘zining yangilangan ramzini rasman tasdiqlab, uni O‘zbekiston futzal federatsiyasiga taqdim etdi.
