«Nasaf» o‘z tarbiyalanuvchilariga o‘yin vaqti berish bo‘yicha dunyoda 2-o‘rinda turibdi

CIES Football Observatory har bir jamoa uchun o‘yin vaqtining qancha qismi klub akademiyasi tarbiyalanuvchilari tomonidan maydonda o‘tkazilayotganini foizlarda hisoblab chiqdi, deb yozadi o‘zbekistonlik futbol mutaxassisi Alisher Nikimbaev.

Statistikada 15 yoshdan 21 yoshgacha bo‘lgan davrda klubda kamida uch yil shug‘ullangan futbolchilar inobatga olingan.

Natijalarga ko‘ra, O‘zbekistonda bu ko‘rsatkichlar orasidagi tafovut juda katta — 0 foizdan 73 foizgacha.

E’tiborlisi, “Nasaf” klubi O‘zbekistonda birinchi, jahon miqyosida esa ikkinchi o‘rinni egallagan. Shuningdek, O‘zbekiston Superligasi bu borada dunyoning eng yaxshi 10 ta ligasi qatoridan joy olgan.

Roziqjon Sultonmurodov

Jurnalist