“Nasaf” kolumbiyalik hujumchiga ko‘z tikdi

Qarshining “Nasaf” klubi yangi mavsum oldidan hujum chizig‘ini kuchaytirish ustida ish olib bormoqda. Ommaviy axborot vositalarida tarqalgan ma’lumotlarga ko‘ra, jamoa kolumbiyalik hujumchi Xuan Kamilo Sapataga qiziqish bildirmoqda.

31 yoshli futbolchi so‘nggi mavsumda Venesuelaning “Universidad Sentral de Venesuela” klubi safida 25 ta o‘yinda maydonga tushib, 8 ta gol urdi va 7 ta golli pas muallifi bo‘ldi. Uning samarali o‘yini jamoasiga sezilarli hissa qo‘shgan.

“Nasaf” hujum liniyasini yanada mustahkamlashni rejalashtirgan va Sapata bilan muzokara boshlashi kutilmoqda. Agar kelishuv amalga oshsa, u jamoa uchun muhim transferlardan biriga aylanishi mumkin.

Bakradze Iman

Redaktor