“Nasaf” CH oldidan kuchaymoqda: ikki yangi futbolchi va kuchli transferlar
Osiyo Chempionlar Ligasi elita bosqichida Markaziy Osiyodan yagona ishtirokchi boʻlgan “Nasaf” jamoasi ikki yangi futbolchini jamoaga tanishtirdi.
Olaytan Otubandjo — 32 yoshli nigeriyalik hujumchi. Uning tajribasi ancha boy:
- Slovakiya chempioni (“Jilina”),
- Avstriyada ikki karra kumush medal sohibi (“Zaltsburg” va “LASK”),
- Armanistonda ikki karra chempion va ikki marta eng yaxshi toʻpurar.
Jami 346 professional uchrashuvda 162 gol va 52 assistga erishgan. Yevrokuboklarda 42 uchrashuvda 8 gol va 3 golli pas qayd etgan. Uning “Pyunik” klubidagi faoliyatini tark etib, Qarshiga kelishini katta transfer sifatida baholash mumkin. Maoshi taxminan oyiga 30 ming dollar atrofida boʻlishi mumkin.
Adenis Shala - Kosovolik vinger. U ham chempionliklar bilan maqtana oladi:
- Makedoniya va Kosovo chempionliklari,
- 180 oʻyinda 36 gol va 34 assist,
- Konferensiyalar ligasida 10 uchrashuvda 2 gol va 2 assist.
U terma jamoaga chaqirilmagan, ammo Kosovoda qanotlarda raqobat juda kuchli — Jigrova, Rashitsa, Korenitsa va Krasniki kabi futbolchilar bor.
Shuningdek, “Nasaf” yarim himoyani kuchaytirishni rejalashtirmoqda. Ilk bor ganalik Salifu Moro nomzod sifatida koʻrilgan - u Misrning “Al-Ittihod” jamoasida oʻynagan va 2021 yilda Gana termasiga chaqirilgan, ammo zaxirada qolgan. Moro oʻrniga “Nasaf” Kingsley Sokarini imzoladi. U ham Afrikada faoliyat yuritgan, soʻnggi klubi — Quvayt chempionatining “Kazma” jamoasi. Uning ham termada bir nechta oʻyini bor. Bu transfer nisbatan iqtisodiy yechim sifatida koʻrilmoqda. Uning imkoniyatlarini musobaqalar koʻrsatadi.
