Namangandan qaytayotgan «Nasaf» muxlislari ayanchli YTHga uchradi
Kecha, 30 oktyabr kuni Namanganda bo'lib o'tgan "Navbahor" – "Nasaf" (0:0) uchrashuvidan keyin "Nasaf" muxlislari ishtirokida fojiali yo'l-transport hodisasi sodir bo'ldi.
Ma'lumotlarga ko'ra, "Nasaf" jamoasini stadiondan qo'llab-quvvatlash uchun borgan bir guruh muxlislar Namangan–Qarshi yo'nalishida orqaga qaytish chog'ida Taxtiqoracha dovonida YTHga uchragan.
Hodisa natijasida tan jarohati olgan muxlislardan biri Mahmud Muhammadiev hayotdan ko'z yumgan. Qolgan to'rt nafar muxlis turli darajadagi jarohatlar bilan shifoxonaga yotqizilgan.
"Nasaf" klubi marhum muxlisning oila a'zolari va yaqinlariga chuqur hamdardlik bildirdi.
"Mahmud Muhammadiev jamoamizning fidoyi muxlislaridan biri edi. Uning mehri va sadoqati har doim xotiramizda qoladi", — deyiladi klub bayonotida.
Marhumning janozasi ertaga, 1 noyabr kuni soat 08:00 da Qamashi tumanida bo'lib o'tadi.
