Namanganda yangi street workout maydonchasi foydalanishga topshirildi
Tepa Naymancha mahallasida zamonaviy street workout maydonchasi barpo etildi.
Фото: Спорт вазирлиги
To‘raqo‘rg‘on tumanida sport infratuzilmasini rivojlantirish borasida izchil ishlar olib borilmoqda.
Shu doirada Tepa Naymancha mahallasida zamonaviy street workout maydonchasi barpo etilib, foydalanishga topshirildi.
Ochilish marosimida tuman hokimi o‘rinbosari, sport boshqarmasi bo‘lim boshlig‘i, mutasaddi rahbarlar hamda yosh sportchilar ishtirok etishdi.
Mazkur sport inshooti O‘zbekiston Respublikasi Sport vazirligining “Tashabbusli sport” ovoz to‘plash loyihasi doirasida barpo etilgan bo‘lib, yoshlarning sog‘lom turmush tarzini qo‘llab-quvvatlash va ularni sportga keng jalb etish uchun qulay sharoit yaratadi.
Roziqjon Sultonmurodov
Jurnalist