Namanganda yangi sport maydoni foydalanishga topshirildi

Bugun Namangan viloyati Chortoq tumani Laskidon MFY hududida zamonaviy street workout maydonchasi qurib bitkazilib, foydalanishga topshirildi.

Mazkur inshoot O‘zbekiston Respublikasi Sport vazirligi tomonidan “Tashabbusli sport” loyihasi asosida 5-umumta'lim maktabi hududida barpo etildi.

Tantanali ochilish marosimida tuman hokimi o‘rinbosari Dilfuza Hakimova, viloyat sport boshqarmasi boshlig‘i o‘rinbosari Faxriddin Yunusov, nuroniylar, sportga qiziquvchi yoshlar hamda sport boshqarmasi vakillari ishtirok etdilar.

Yangi sport maydonchasi yoshlar va mahalla aholisi uchun ochiq bo‘lib, ular bu yerda sog‘lomlashtiruvchi mashg‘ulotlar, kuch va bardamlikni oshiruvchi sport mashqlarini bajarish imkoniyatiga ega bo‘ladilar.

Roziqjon Sultonmurodov

Jurnalist