Namangan viloyati hokimi Navbahor stadionida olib borilayotgan taʼmirlash ishlari bilan tanishdi
Namangan viloyati hokimi Shavkatjon Abdurazzoqov Davlatobod tumanidagi o‘rganishlari davomida "Navbahor" markaziy stadionida olib borilayotgan keng ko‘lamli rekonstruksiya jarayoni bilan tanishdi.
Ayni kunlarda markaziy hamda zahira stadionlarida taʼmirlash va obodonlashtirish ishlari hal qiluvchi pallaga kirdi.
Viloyat rahbari chim yotqizish ishlarini sifatli, jahon andozalariga mos ravishda amalga oshirish lozimligini taʼkidladi.
Shuningdek, futbolchilar uchun kiyim almashtirish va dush uchun mo‘ljallangan bino ham taʼmirlanmoqda. Eʼtiborlisi, binoning 2-qavati futbolchilarning jismoniy chiniqishlari uchun maxsus jihozlangan zalga aylantirilmoqda. Shu maqsadda tadbirkor tomonidan 45 ta turdagi zamonaviy sport jihozlari (trenajyor) o‘rnatilmoqda. Ushbu mashg‘ulot vositalaridan futbolchilardan bo‘sh vaqtda aholi, xususan, yoshlar ham foydalanishlari ko‘zda tutilgan.
