MYUning sobiq himoyachisi Saudiya klubiga o‘tishdan bosh tortdi
Photo: Getty Images
Kot-d’Ivuarlik markaziy himoyachi Erik Bayi Saudiya Arabistonining "Al-Najma" klubi futbolchisiga aylanmaydi. Bu haqda insayder Fabrizio Romano xabar berdi.
Manbaga ko‘ra, tomonlar bo‘ladigan shartnoma bandlari borasida kelishuvga erishgan, biroq yakuniy bosqichda 31 yoshli futbolchi transferdan bosh tortishga qaror qilgan.
Natijada muzokaralar to‘xtatilgan. Bayi yaqinda erkin agentga aylandi – uning "Vilyarreal" bilan shartnomasi 2025 yil 1 iyulda o‘z nihoyasiga yetdi.
Faoliyati davomida u "Espanyol", "Marsel", "Beshiktosh", "Manchester Yunayted" va "Vilyarreal" kabi klublarda o‘ynagan. Transfermarkt ma’lumotlariga ko‘ra, futbolchining bozor narxi 2 million yevroni tashkil qiladi.
Roziqjon Sultonmurodov
Jurnalist