«MYU» yangi bosh murabbiy lavozimiga Roberto Martines nomzodini koʻrib chiqmoqda
Hozirda jamoani vaqtincha Maykl Kerrik boshqarmoqda.
FOTO: Getty Images
«Manchester Yunayted» jamoaning yangi bosh murabbiyi lavozimiga Roberto Martines nomzodini ko‘rib chiqmoqda. Ispaniyalik mutaxassis «qizil iblislar»ning qisqa ro‘yxatidan joy olgan, chunki uning Portugaliya terma jamoasi bosh murabbiyligidan ketishi kutilmoqda. Bu haqda jurnalist Ben Jeykobs xabar berdi.
52 yoshli mutaxassis 2023 yilning yanvaridan buyon Portugaliya milliy terma jamoasini boshqarib kelmoqda. Martinesning amaldagi mehnat shartnomasi 2026 yil iyul oyi oxirigacha amal qiladi. Uning qo‘l ostida Portugaliya terma jamoasi 2025 yilda Millatlar ligasida g‘olib chiqdi.
Hozirda «Manchester Yunayted»ning amaldagi bosh murabbiyi Maykl Kerrik hisoblanadi. Uning klub bilan shartnomasi 2026 yilning yoziga qadar imzolangan.
Nasrullo Karimov
Jurnalist