«MYu» va «Chelsi» Adams uchun kurashadi

"Manchester Yunayted" va "Chelsi" "Bornmut" futbolchisi Tayler Adamsni o‘z safiga qo‘shib olish uchun harakat qilmoqda. Bu haqda "Caught Offside" nashri xabar bermoqda.

Manbaga ko‘ra, "Bornmut" Adams transferidan 30-40 million yevro ishlab olishni maqsad qilgan.

26 yoshli futbolchining qishki transfer oynasida yangi klubga o‘tish ehtimoli kamroq. Lekin transfer kelasi yozda amalga oshishi kutilmoqda.

Taylerning hozirda Transfermarkt portalidagi narxi 25 million yevroga baholanmoqda. Joriy mavsum "Giloslar" safida 16 ta uchrashuvda maydonga tushib, 2 ta gol urdi va 1 ta golli uzatma amalga oshirdi.

Roziqjon Sultonmurodov

Jurnalist