MYU Skottga qiziqib qoldi
"Manchester Yunayted" "Bornmut" yarim himoyachisi Aleks Skottga qiziqish bildirmoqda. Bu haqda The Athletic nashri xabar bermoqda.
Manbaning ma'lumotiga ko'ra, 22 yoshli xavbek yozgi transfer oynasida mankunianliklarning o'rta chizig'ini kuchaytirish uchun nomzodlar qatoriga kiradi.
Qayd etilishicha, "Bornmut" rahbariyati yarim himoyachi bilan shartnomani uzaytirmoqchi. Shu bilan birga, yangi kelishuvda taxminan 89 million yevrolik tovon puli bandi paydo bo'lishi mumkin. Potensial xaridorlarning fikricha, bu yozda ehtimoliy transfer summasi taxminan 71 million yevroni tashkil qilishi mumkin.
"Bornmut" esa yarim himoyachini sotish niyatida emasligini ta'kidlashda davom etmoqda.
O'tgan mavsumda maydon markazida ham, tayanch zonasida ham o'ynay oladigan futbolchi 4 ta gol va 1 ta golli uzatma muallifi bo'lib, 6 ta ogohlantirish oldi. Skottdan tashqari, "Manchester Yunayted" Elliot Anderson, Karlos Baleba, Sandro Tonali va Adam Uortonni sotib olish variantlarini ham ko'rib chiqmoqda.
