«MYU» qishki transferlar vaqtida yarimhimoya chizigʻini mustahkamlamoqchi
Angliyaning «Manchester Yunayted» klubi qishki transferlar vaqtida yangi yarimhimoyachi bilan shartnoma imzolashni rejalashtirmoqda. Bu haqda Daily Mail nashri xabar berdi.
Manbaga koʻra, mankunianliklar uchun asosiy nomzodlar sifatida «Vulverxempton» futbolchisi Joao Gomes va hozirda «Atletiko» sharafini himoya qilayotgan, «Chelsi» tarbiyalanuvchisi Konor Gallaher koʻrilmoqda.
Qayd etilishicha, «MYU» 2026 yilgi Jahon chempionati boshlanishidan oldin tarkibni kuchaytirish niyatida. Klub rahbariyati mundial yaqinlashgani sari futbolchilar narxi oshib ketishidan xavotirda. Shu sababli Gallaherni dastlab ijaraga olish, keyin esa yozda 45 million funtga toʻliq transfer qilish varianti muhokama qilinmoqda.
Maʼlumot uchun, 24 yoshli Gomes joriy mavsum APLda 11 ta oʻyinda maydonga tushdi. Gallaher esa «Atletiko» safida 16 ta oʻyin oʻtkazib, 2 ta golga mualliflik qildi.
