«MYu» qishda «An-Nasr»ga qarshi o‘yin o‘tkazishi mumkin

"Manchester Yunayted" qishda Saudiya Arabistonida bir nechta o‘rtoqlik uchrashuvlarini o‘tkazishni rejalashtirmoqda. Bu haqida The Athletic xabar berdi.

Manbaga ko‘ra, Angliya klubi ayni paytda Yevrokuboklarda ishtirok etmayapti. Qishda o‘yin amaliyotini saqlab qolish uchun o‘rtoqlik uchrashuvlari tashkil etmoqchi.

Shu sababli "qizil iblislar" Saudiya Arabistonini qulay ob-havo va moliyaviy jihatdan foydali takliflar bois asosiy variant sifatida ko‘rib chiqmoqda. "An-Nasr" o‘rtoqlik uchrashuvi uchun asosiy nomzod bo‘lishi mumkin.

Bunday darajadagi o‘yin orqali "Manchester Yunayted" ham mo‘may daromadga ega bo‘lishi mumkin. Tez orada bu borada rasmiy ma’lumot berilishi kutilmoqda.

Roziqjon Sultonmurodov

Jurnalist