«MYU» Martinez bilan kelishuvga erishdi
Фото: Getty Images
“Manchester Yunayted” “Aston Villa” darvozaboni Emiliano Martinez bilan shaxsiy shartnoma shartlari bo‘yicha kelishuvga erishdi. Bu haqda insayder Fabrizio Romano xabar bermoqda.
Manbaga ko‘ra, “qizil iblislar” argentinalik kiper borasida muzokaralarni davom ettirmoqda. Ammo klub “Antverpen” posboni Senne Lammens transferi amalga oshmay qolsa, argentinalik darvozabonni sotib olishi mumkin.
Ma’lumot uchun, Martinez o‘tgan mavsum barcha turnirlarda 53 ta o‘yinda maydonga tushib, ularning 16 tasida o‘z darvozasi daxlsizligini saqlab qoldi. Uning Birmingem klubi bilan tuzgan amaldagi shartnomasi 2029 yilda yakuniga yetadi.
Roziqjon Sultonmurodov
Jurnalist