«MYU» Lisandro Martinesning jarohatidan xavotir olmayapti
“Manchester Yunayted” rahbariyati himoyachi Lisandro Martines 2026 yilgi jahon chempionati finalida olgan jarohati jiddiy emasligiga ishonmoqda. Bu haqda The National nashri xabar berdi.
Manbaga ko‘ra, klub tibbiy shtabi argentinalik futbolchining shikastlanishi og‘ir emasligini baholagan va u yangi mavsum boshlanishiga qadar to‘liq tiklanishi kutilmoqda.
28 yoshli markaziy himoyachi Ispaniyaga qarshi jahon chempionati finalida jarohat olgan va 44-daqiqada maydonni tark etishga majbur bo‘lgan edi.
Shunga qaramay, “Manchester Yunayted”da uning tiklanish jarayoni reja asosida ketayotganiga ishonch bildirilyapti.
Martines o‘tgan mavsum barcha musobaqalarda 19 ta uchrashuvda ishtirok etdi, ammo gol yoki golli uzatma bilan ajralib tura olmadi.
Uning “Manchester Yunayted” bilan amaldagi shartnomasi 2027 yil yozigacha amal qiladi. Transfermarkt ma’lumotiga ko‘ra, argentinalik himoyachining bozor qiymati 45 million yevroni tashkil etadi.
