MYU Levandovski transferidan voz kechdi
“Manchester Yunayted” egalardan biri hisoblangan Jim Retklif “Barselona” hujumchisi Robert Levandovski “qizil iblislar” safiga kelishi mumkinligi haqidagi xabarlarga munosabat bildirdi. Bu haqda Mirror nashri xabar berdi.
Manbaga ko‘ra, 37 yoshli polyak futbolchining transferini ingliz klubining bosh murabbiyi Ruben Amorim talab qilgan.
Futbolchining yoshi, past samaradorligi va raqibga bosim o‘tkaza olish qobiliyatining susaygani sababli “Barselona” rahbariyati hujumchi bilan yangi shartnoma imzolashni istamayapti. Uning kataloniyaliklar bilan shartnomasi 2026 yil yozigacha amal qiladi.
Ma’lumot uchun, Levandovski 2022 yildan beri “Barselona” sharafini himoya qiladi. Hujumchi hozirgacha klub safida 156 ta uchrashuvda maydonga tushib, o‘z hisobiga 105 ta gol va 20 ta golli uzatma yozdirib qo‘ygan. Joriy mavsum Levandovski “Barselona” safida jami 9 ta o‘yinda maydonga tushib, 4 ta gol urishga erishdi. Transfermarkt portali futbolchining qiymatini 10 million yevroga baholamoqda.
