«MYU» Fermin Lopes uchun 150 million yevro taklif qilishga tayyor
«Manchester Yunayted» kelasi transfer oynasida tarkibini kuchaytirish variantlarini ko‘rib chiqmoqda. El Nacional nashri Goal manbasiga tayanib xabar berishicha, mankunianliklar «Barselona» yarim himoyachisi Fermin Lopesga qiziqish bildirmoqda.
Ma’lumotlarga ko‘ra, Angliya klubi 23 yoshli futbolchi uchun 150 million yevro to‘lashga tayyor. Biroq «Barselona» Lopes bilan xayrlashishni rejalashtirmayapti. Futbolchining o‘zi ham o‘z tarbiya topgan klubini tark etish niyatida emas.
Shu sababli «Manchester Yunayted» uchun futbolchini qo‘lga kiritish oson bo‘lmasligi mumkin. Manbada ta’kidlanishicha, hatto shartnomadagi tovon pulini to‘lash imkoniyati mavjud bo‘lgan taqdirda ham transfer amalga oshishi kafolatlanmagan.
Fermin Lopes 2026/27-yilgi mavsumda «Barselona» safida 7 ta uchrashuv o‘tkazib, 4 ta gol va 2 ta golli uzatma qayd etgan.
