«MYU» Ederson bo‘yicha kelishuvga erishdi
Transfermarkt ma’lumotiga ko‘ra, futbolchining bozor qiymati 40 million yevroni tashkil etadi.
ФОТО: Getty images
Manchester United klubi Atalanta yarim himoyachisi Ederson transferi bo‘yicha deyarli kelishuvga erishdi.
Tomonlar barcha shartlar yuzasidan o‘zaro rozilikka kelgan. Bu haqda Sportitalia nashri xabar berdi.
Manbaga ko‘ra, 26 yoshli futbolchi 50 million yevro evaziga Manchester United safiga o‘tish arafasida.
Joriy mavsumda Ederson barcha musobaqalarda 41 ta o‘yinda ishtirok etib, 3 ta gol va 2 ta golli uzatmani amalga oshirdi. Uning Atalanta bilan amaldagi shartnomasi 2027 yil yozigacha mo‘ljallangan. Transfermarkt ma’lumotiga ko‘ra, futbolchining bozor qiymati 40 million yevroni tashkil etadi.
Roziqjon Sultonmurodov
Jurnalist
