«MYU» Aleks Baldega qiziqish bildirmoqda
«Manchester Yunayted»ning transferlar bo‘yicha mas’uli Kristofer Vivell «Barselona» qanot himoyachisi Aleks Balde nomzodini klub rahbariyatiga taklif qildi. Bu haqda jurnalist Ben Jeykobs xabar bermoqda.
Manbaning ta’kidlashicha, 22 yoshli futbolchining o‘zi faoliyatini Kataloniya klubida davom ettirish niyatida. Hozirgi bosqichda «qizil iblislar» na «Barselona», na Baldening vakillari bilan rasmiy muzokaralar olib borgani yo‘q.
Ispaniyalik himoyachi joriy mavsumda barcha turnirlar doirasida 32 ta uchrashuvda maydonga tushib, 3 ta samarali uzatmani amalga oshirdi.
Baldening «ko‘k-anorranglilar» bilan amaldagi shartnomasi 2028 yilning yoziga qadar mo‘ljallangan. Transfermarkt portali iqtidorli himoyachining bozor qiymatini 60 million yevroga baholamoqda.
