Musiala qanchaga safdan chiqqani ma'lum bo‘ldi

Futbol 06 iyl 2025 da 01:55

Bahrom Bobonov

Redaktor

Klublar o‘rtasidagi jahon chempionatining chorak finalida “PSJ” klubi “Bavariya”ni 2:0 hisobida mag‘lub etdi.

Uchrashuvning 45-daqiqasida nemis jamoasi yetakchisi Jamal Musiala parijliklar posboni Janluiji Donnarumma bilan to‘qnashib ketishi natijasida jarohat oldi.

Bild nashrining xabar berishicha, futbolchining oyog‘i singan. Endi futbolchi kamida 3-4 oy jarohatini davolaydi. Bundesliganing yangi mavsumi startida ham jamoasiga yordam bera olmaydi.

Musiala yakunlangan mavsumda 44 ta uchrashuvda maydonga tushdi. Uning hisobida 21 ta gol va 8 ta golli uzatma bor.

Aloqador jamoalar va ligalar

Bayern Munich