Musiala jarohatidan tiklanib, mashgʻulotlarga qaytdi
«Bavariya» yarimhimoyachisi 5 iyul kuni «PSJ»ga qarshi oʻyinda jarohat olgandi.
FOTO: Getty Images
Myunxenning «Bavariya» klubi yarimhimoyachisi Jamal Musiala jarohatidan toʻliq tiklanib, mashgʻulotlarga qaytdi.
Eslatib oʻtamiz, Musiala 5 iyun kuni «PSJ»ga qarshi oʻtkazilgan Klublar oʻrtasidagi Jahon chempionati uchrashuvi vaqtida oyogʻidan jiddiy jarohat olgandi.
«Maydonga qaytish menga ajoyib hissiyot baxsh etdi. O‘zimni juda yaxshi his qilyapman, oyogʻim ham yaxshi holatda. Bu men uchun katta qadam. Bir necha hafta avval birinchi marta sakradim, soʻng yugura boshladim, endi esa maydondaman. Oʻylaymanki, bu yangi bosqichga o‘tishdir», — dedi Musiala.
Maʼlumot uchun, «Bavariya» oʻzining navbatdagi oʻyinini 25 oktyabr kuni «Borussiya M»ga qarshi oʻtkazadi.
Nasrullo Karimov
Jurnalist