Musiala Germaniya Superkubogini o'tkazib yuboradi
“Bavariya” bosh murabbiyi Vensan Kompani yarim himoyachi Jamal Musialaning Dortmundning “Borussiya” klubiga qarshi Germaniya Superkubogi uchrashuvida maydonga tushmasligini tasdiqladi. 23 yoshli futbolchi jamoaning mazkur bahs uchun qaydnomasiga kiritilmaydi.
“Jamal Musiala tarkibdan tashqarida. Serj Gnabri va Lennart Karl ham o‘ynamaydi”, — dedi Kompani uchrashuv oldidan. Shunday qilib, “Bavariya” muhim bahsda bir nechta futbolchisining xizmatidan foydalana olmaydi.
Musiala so‘nggi ikkita o‘rtoqlik uchrashuvida maydonda hushini yo‘qotgani sabab ehtiyot chorasi sifatida o‘yindan chetda qoldirilmoqda. Shu bilan birga, futbolchi mavsumoldi tayyorgarligi davomida jamoa bilan mashg‘ulotlarga qaytgan va “RB Leypsig”ga qarshi Telekom kubogi bahsida gol ham urgan edi.
Ma’lumot uchun, “Borussiya Dortmund” — “Bavariya” o‘rtasidagi Frans Bekkenbauer nomidagi Germaniya Superkubogi uchrashuvi 22-avgust kuni bo‘lib o‘tadi. Bu “Bavariya”ning 2026/27-yilgi mavsumdagi ilk rasmiy uchrashuvi hisoblanadi.
