Muños: «Enfild»da o‘ynash – orzu, ammo hozir barcha e’tiborim Jahon chempionatida»
Ispaniyalik futbolchi mersisaydliklar safiga kelib qo‘shildi.
ФОТО: Getty images
Ispaniyalik hujumchi Viktor Muños “Liverpul”ga o‘tish qarori haqida fikr bildirdi.
«Hammasi juda tez sodir bo‘ldi. Ammo bunday imkoniyat paydo bo‘lsa, uni qo‘ldan chiqarib bo‘lmaydi. “Enfild”da o‘ynash — o‘zgacha his. Menda ham, oilamda ham hech qanday ikkilanmaslik bo‘lmadi. Bu faoliyatimdagi yangi bob, va u haqiqatan ham o‘zgacha bo‘lishi mumkin. Buni intiqlik bilan kutyapman. Ammo rostini aytsam, hozir butun diqqat-e’tiborim Jahon chempionatiga tayyorgarlik va tezroq tiklanishga qaratilgan», — dedi futbolchi.
2025/26 yilgi mavsumda ispaniyalik vinger barcha musobaqalarda 36 ta uchrashuvda qatnashib, 7 ta gol va 5 ta golli uzatma muallifi bo‘ldi. Transfermarkt ma’lumotlariga ko‘ra, uning bozor qiymati 30 million yevroga baholanmoqda.
Roziqjon Sultonmurodov
Jurnalist