Munisbek Davletov hamda Dilnura Xoldorova delegatsiyamiz hisobiga navbatdagi medallarni qo‘shib qo‘ydi
PHOTO: Telegram
Peru poytaxti mezbonlik qilayotgan yoshlar va o‘smirlar o‘rtasidagi jahon chempionatida yana bir kun ortda qoldi. 3 may kuni o‘tkazilgan bellashuvlarda 2 nafar vakilimiz o'smirlar o'rtasidagi bahslarda sovrindorlar safidan joy oldi.
Jumladan, erkaklar o‘rtasida -89 kg vazn toifasida supachaga ko‘tarilgan hamyurtimiz Munisbek Davletov delegatsiyamiz hisobiga ikkita kumush medalni qo‘shib qo‘ydi. Iste’dodli sportchimiz siltab ko‘tarishda 179 kg toshni bo‘ysundirgan bo‘lsa, ikkikurash yakuniga ko‘ra 319 kg natija qayd etdi.
Ayollar o‘rtasida -71 kg vazn toifasida bahslarga kirishgan yana bir sportchimiz Dilnura Xoldorova dast ko‘tarishda 93 kg natija qayd etgan holda bronza medalga sazovor bo‘ldi.
Ibrohim Jalolov
Redaktor