Muhsin Muhammadiev vafot etdi

1-yanvar kuni “Dinamo” klubining taniqli sobiq futbolchisi Muhsin Muhammadiev 60 yoshida vafot etdi.

25 yil avval Samarqand klubi tarixidagi eng yaxshi natijaning qayd etilishiga hissa qo‘shib, jamoaning eng yaxshi to‘purarlaridan bo‘lgan Muhsin Muslimovich uzoq davom etgan kasallikdan so‘ng 2026 yilning 1-yanvar kuni Dushanbe shahrida hayotdan ko‘z yumdi.

Tojikistonlik hujumchi faoliyatining yorqin davrini Dushanbening “Pamir”, Samarqandning “Dinamo” klubida o‘tkazgan, shuningdek, Rossiyaning “Spartak” va bir qator boshqa klublarida ham faoliyat yuritgan, murabbiy sifatida esa “Buxoro” jamoasini boshqargan edi.

Roziqjon Sultonmurodov

Jurnalist