Muhammad Saloh faoliyatini “Chelsi”da davom ettirishi mumkin
Misr terma jamoasi sardori Muhammad Saloh faoliyatini kutilmaganda “Chelsi”da davom ettirishi mumkin. Bu haqda The Sun nashri xabar berdi.
Manbaga ko‘ra, agar 34 yoshli futbolchi Angliya Premyer-ligasida qolishga qaror qilsa, uning asosiy tanlovi aynan London klubi bo‘ladi. Qayd etilishicha, Salohga Saudiya Arabistoni, MLS va Turkiyaning bir qator klublaridan ham takliflar mavjud.
Eslatib o‘tamiz, Saloh 2014–2016-yillar oralig‘ida ham “Chelsi” safida to‘p surgan. Biroq u o‘sha davrda asosiy tarkibdan joy ola olmagan va keyinchalik ijara asosida “Fiorentina” hamda “Roma”da o‘ynagan. Aynan Italiyadagi muvaffaqiyatli faoliyatidan so‘ng u “Liverpul”ga ko‘chib o‘tib, klub afsonalaridan biriga aylandi.
Hozircha “Chelsi” tomonidan Saloh transferi bo‘yicha rasmiy taklif yoki muzokaralar tasdiqlangani yo‘q. Shu sababli bu xabar hozircha transfer mish-mishi sifatida baholanmoqda.
