Mudrik tez orada maydonga qaytishi mumkin — manba
Londonning «Chelsi» klubi ukrainalik vingeri Mixail Mudrik yaqin orada diskvalifikatsiyadan so‘ng maydonga qaytishi mumkin. Bu haqda The Chelsea Forum fan‑akkaunti xabar bergan.
Ma’lum qilinishicha, futbolchi yana «ko‘klar» jamoasi tarkibiga kiritilishi mumkin. Klubda uning formasini tiklash bo‘yicha yo‘llar muhokama qilinmoqda: variantlardan biri — Mudrikni Fransiyaning «Strasburg» klubiga ijaraga berish, bu yerda u o‘yin amaliyotini oshirib, ishonchni qaytarishi mumkin. Ijaraning yakunida «Chelsi» rahbariyati uning kelajagi bo‘yicha — jamoada qoldirish yoki transferga chiqarish haqidagi yakuniy qarorni qabul qiladi.
O‘tgan mavsumda Mudrik klub darajasida 15 o‘yinda maydonga tushib, 3 ta gol urdi va 5 ta samarali uzatmani amalga oshirdi. Oldinroq futbolchining tanasida doping moddasi aniqlangani sababli u noaniq muddatga futboldan chetlatilgan edi.
Qayd etish joiz, ushbu fan‑akkaunt klubning eng mashhurlaridan biri hisoblanadi. Unga 200 mingdan ortiq kishi obuna bo‘lgan, jumladan nufuzli jurnalistlar ham bor. Aynan shu akkaunt manbalari Enzo Mareskaning bosh murabbiylik lavozimidan ketishi haqida birinchi bo‘lib xabar bergan edi.
