Moyes murabbiylik faoliyatidagi 500-g‘alabasiga erishdi
Фото: Getty Images
"Everton" bosh murabbiyi David Moyes murabbiylik faoliyatidagi yubiley g‘alabasiga erishdi.
Opta Sports xabariga ko‘ra, "Everton" Angliya Liga kubogi 2-bosqichida "Mansfield Town"ni 2:0 hisobida mag‘lub etdi. Bu esa shotlandiyalik mutaxassisning murabbiylik faoliyatidagi 500-g‘alabasiga aylandi.
Qizig‘i shundaki, Moyes murabbiylik faoliyatidagi ilk g‘alabasini aynan "Mansfield Town"ga qarshi o‘yinda qo‘lga kiritgandi.
Bu 1998 yilda, shotlandiyalik hali ham "Preston"da murabbiylik qilayotganida sodir bo‘lgandi. "Preston"dan so‘ng Moyes "Everton", "Manchester United", "Real Sociedad", "Sunderland" va "West Ham" klublarini boshqargan.
Roziqjon Sultonmurodov
Jurnalist