Mourinyo “Real”dagi muammolardan birini hal qila olmadi
Madridning “Real” klubi bosh murabbiyi Joze Mourinyo jamoa ichidagi keskin vaziyatni hali ham bartaraf eta olmadi. Futbolchilar o‘rtasidagi munosabatlar sovuqligicha qolmoqda. Bu haqda RMC Sport nashri xabar bermoqda.
Manbaga ko‘ra, “Real” kiyinish xonasida jiddiy ziddiyatlar mavjud bo‘lib, jamoadagi muhit “muzdek sovuq” deya ta’riflanmoqda. Ayrim futbolchilar bir-biri bilan kelisha olmayapti. Mourinyo esa Xabi Alonso va Alvaro Arbeloa davridan beri davom etayotgan ushbu muammoni hal qilishga muvaffaq bo‘lmagan.
Bundan tashqari, Kilian Mbappening maydon tashqarisidagi so‘nggi xatti-harakatlari jamoadagi keskinlikni yanada kuchaytirgan. Mourinyo fransiyalik hujumchi bilan shaxsan suhbatlashib, undan o‘zini vazminroq tutishni so‘ragan. Klub ichidagi vaziyat hamon murabbiylar shtabi uchun jiddiy muammo bo‘lib qolmoqda.
Ma’lumot uchun, Joze Mourinyo avvalroq 2010–2013-yillarda ham “Real”ni boshqargan. Madrid klubi La Ligadagi navbatdagi uchrashuvini 10-oktabr kuni “Vilyarreal”ga qarshi o‘tkazadi.
