Mourinyo: «Benfikada qolishim 99 foiz aniq»
Joze Mourinyo "Benfika" bilan shartnomasi va "Real Madrid"ga ehtimoliy qaytishi haqida fikr bildirdi.
«Hech kim “Benfika”ni men bilan shartnomani uzaytirishga majbur qilmadi, kelishuvda esa menga istasam ketish imkonini beruvchi band bor. Klub prezidentiga nisbatan hech qanday e’tirozim yo‘q. Ayni paytda “Benfika”da qolish ehtimoli 99%ni tashkil qiladi, chunki yana bir yillik shartnomam bor.
Menga yangi shartnoma taklif qilingan, ammo hali uni ko‘rmadim. Agentim bu juda yaxshi taklif ekanini aytdi. “Real”ga kelsak, hozircha aniq hech narsa yo‘q. Lekin biz hech kimni sodda deb o‘ylamaymiz — agent Jorje Mendesh va klub rahbariyati o‘rtasida muzokaralar olib borilmoqda», — dedi murabbiy DN nashriga.
Avvalroq OAVda Mourinyoning "Real Madrid"ga qaytishi bo‘yicha muzokaralar deyarli yakunlangani va rasmiy e’lon mavsum yakunidan so‘ng bo‘lishi kutilgani xabar qilingan edi.
Eslatib o‘tamiz, portugaliyalik mutaxassis 2010–2013 yillarda "Real Madrid"ni boshqarib, jamoa bilan Ispaniya chempionati, mamlakat Kubogi va Superkubokni qo‘lga kiritgan.
